[东方报]英超：列斯聯主場先守吼半和[10-24]

灏灏爸

今晚英超獨腳戲上演下游對決，列斯聯主場迎戰韋斯咸。兩軍都係難兄難弟，列斯聯每逢主場必定守住先，「錘仔幫」更加輸到慌，作客唔敢冒進，半場和捧得過。（Now 621周六凌晨3時直播）

今季重返英超嘅列斯聯，雖然頭8輪聯賽僅2勝，但表現唔算差，尤其喺自己地頭出擊，今季4次聯賽主場，獲得1勝2和1負，輸波嗰場同熱刺一度拉成均勢，只係實力上技不如人。睇番列斯聯呢4次主場聯賽，全部喺上半場同對手打和，可見採取先求唔輸策略，初段有氣有力之下都守得兩嘴。

韋斯咸冇信心唔敢亂攻
另邊廂，韋斯咸季初內部立立亂，先係樸達因戰績不佳被炒，搵嚟季初畀森林請食無情雞嘅紐奴，但佢上任後3仗只得1和2負，未見起色，令人擔心紐奴唔適合「錘仔幫」，隨時步佢喺森林嘅繼任人普斯迪高路後塵，「澳普」9月先接手森林，只係教咗短短39日就被炒。睇番韋斯咸近5仗輸咗4場，信心跌到落谷底，以紐奴咁保守嘅風格，造訪列斯聯都唔會亂攻，預計大家鬥打悶波，半場和更值博。